A SERBIAN FILM

Reviewed By 'Z'

Horror-fans tuh sampah masyarakat sinema, apa yg buat orang laen menjijikan & ofensif buat kite adalah bahan lawakan, orang cuman masuk toilet buat buang hajat trus cabut tapi kite nangkring di situ, kite menikmati yg buruk & memuja yg absurd, kite nodain apaan yg sakral, ngotorin apa yg murni & ngga nerima batesan akan segala sesuatu yg tasteless. Itu adalah salah satu hal yg bikin gue bangga jadi horror-fan; kite adalah sebuah komunitas yg bad-ass!

Jadi waktu sesuatu kaya A Serbian Film muncul dengan sebuah reputasi sebagai tontonan vulgar dari kekerasan yg berlebihan, apa yg kite lakuin?

Ya jelas lah kite jadi pengen nonton.

........................................

Milos adalah seorang mantan porn-star. Dulu, die itu maestro dalem apa yg die lakuin, dulu die itu effin’ Hercules! Sekarang die idup bareng istri, anak & jutaan memori indah yg setiap bijinye terabadikan dalem bentuk DVD. Tentunye, idup itu sulit buat seorang mantan porn-star laki-laki, soalnye semua tau ekuivalensi matematis dari “mantan” + “porn star” + “laki-laki” tuh selalu = 0. Idup aja udah susah buat mantan porn-star di Amrik, sekarang bayangin kaya apa susahnye buat seorang mantan porn-star di Serbia. Yup, tragis.

Di tengah-tengah prahara ekonomi, datenglah Lejla, sendirinye juga seorang porn-star, buat nawarin Milos kesempatan maen di sebuah produksi baru bokep avant-garde nan menjanjikan. Film biru yg digadang bakal bikin porno buat diakuin sebagai sebuah bentuk kesenian tinggi yg terakreditasi, gue ngga tau kalo lo ye? Tapi kalo porno bener-bener diakuin sebagai seni, sumpah gue bakal kuliah di jurusan itu. Pemimpin dari produksi bokep cutting-edge ini sendiri adalah Vukmir, seorang seniman nyentrik yg dari awal kemunculannye udah keliatan ganjil. Untuk sebuah alesan tertentu, Vukmir tu penggemar berat Milos. Gue seumur-umur belon pernah nemuin ada cowo yg ngaku kalo die tuh penggemar berat seorang pemaen bokep cowo...tapi ya, udah gue bilang kan kalo orang ini ganjil?

Kalo pas pertama lo ngga ngeliat keanehan pada diri Vukmir, maka pada beberapa menit berikutnye semua dengan tingkat intelejensia di atas simpanse bakal bisa nyimpulin kalo die tuh bukan orang paling bagus buat diajak kerja bareng. Salah satu syarat utama dari “video art”-nye tuh sang aktor sama sekali ngga boleh tau apaan yg bakal die shoot sampe pas saatnye die lagi shooting. Ini sama aje kaya beli kucing dalem karung, cuman semuanye punya rabies & yg lo pake buat ngambilnye tuh genitalia lo! Vukmir makin bertingkah aneh pas nyodorin kontrak & secara eksplisit nganjurin Milos buat nanda tangan tanpa perlu ngebaca isinye yg setebel buku telpon. Ini keliatannye luar biasa mencurigakan, plus harusnye sebagai orang dewasa kite sadar akan bahayanye naro tanda tangan di sesuatu yg kite ngga ngerti. Tapi Milos, gue asumsiin terinspirasi ama kesuksesan kisah comeback karier Mickey Rourke, mutusin buat ngelakuin hal paling ngga bijaksana dengan ngambil pulpen & ngejual jiwanye pada Pikachu (aka Satan). Segera abis itu,120 Days of Sodom pun dimulai.

Abis nonton film “kontroversial” ini sampe abis, gue kok ngerasa kebanyakan orang-orang nganggep ini terlalu serius ye? Sederhana aje, A Serbian Film itu film eksploitasi, 

bukan yg terbaik dalem sejarah genrenye emang, tapi masih banyak yg lebih buruk. Kalo masalah kekerasan-grafik yg terlalu eksplisit...ya bukannye emang itu yg selalu dilakuin ama film eksploitasi? Buat nunjukin sesuatu dengan lebih ekstrim dari yg pernah dilakuin orang laen sebelonnye? Lagian, bukannye “kelewatan” di genre ini tuh batesan yg udah dilanggar puluhan kali? Di dunia ginian, tiap taunnye bakal ada sesuatu yg keliatan lebih gila dari ape yg pernah keluar sebelonnye tuh seusuatu yg punya kartu garansi. Itu udah bagian ngga terpisahin dari kultur horror, & waktu selalu berhasil ngebuktiin kalo apaan yg dianggep keterlaluan ama satu generasi selalu bakalan dianggep jadi biasa aje buat generasi berikutnye. Dengan penjelasan itu, gue sama sekali ngga pengen ngomong kalo ini tuh “lunak” ye? Ngga kok, A Serbian Film itu brutal. Cumaaa, gue ngerasa ngga adil aje film ini dapet nama buruk hanya gara-gara die itu keliatan brutal semata, gimane ama Guinea Pig? August Underground Mordum? Itu sama aje brutalnye kalo ngga bisa dibilang lebih. Ini emang jenis tontonan’ model gitu’ & buat tontonan model gitu, A Serbian Film tuh –sejujurnye- masih lebih bagus dari kebanyakan.

Ceritanye jauh lebih memikat daripada, contoh gampangnye, August Underground Mordum, yg sedemikian ngebosenin sampe lo praktis “nonton” dengan dicepet-cepetin buat ngecek bagian gore-nye doang. A Serbian Film mah punya cerite beneran buat diikutin, dialog yg ngga semata-mata diisi ama orang nyebutin F-words berkali-kali, ama karakter-karakter yg menarik. Ya emang sih ada banyak darah, ada banyak gorn, ama ia menyentuh titik pesakitan tingkat ekstrim lebih dari sekali, tapi ini kan sinema-eksploitasi? Harusnye sih orang udah siap buat ngeliat kaya gituan. Malah, kalo mau jujur, sutradara cukup punya “sensibilitas artistik” buat berusaha bikin audiens lebih ngerasa “nyaman” ama semua kekerasannye. Adegan-adegan paling sakit di sini semuanye terjadi off-screen ape minimal, ke blok sesuatu biar ngga keliatan gamblang di frame. Ini contoh model pendekatan kompromis yg ngga akan muncul pada Guinea Pig.    

Gue pikir salah satu hal yg paling ngerugiin film ini tuh soalnye ia dipasarin sebagai “sebuah film Serbia”, yg bikin orang-orang ngekspektasiin ini buat jadi semacem kritik-politis pada kultur kekerasan dari satu negara yg udah kelamaan dicabik ama perang sodara. 

Walau tema itu emang ada di sini, tapi pada dasarnye, itu cuman ada di background aje. Soalnye ini emang bukan sebuah dokumenter, A Serbian Film make isu di atas buat platform sementara ngegarap aspek-aspek eksploitasi di dalemnye. Jujur aje, ada banyak film horror yg juga punya isu sosial sebagai landasan ceritanye: Last House on the Left ama –bahkan- Texas Chainsaw Massacre tu ada hubungannye ama kondisi masyarakat AS pada masa perang Vietnam, Rampage aje ngomongin soal alienasi dunia modern. Tapi bedanye, ngga ada film-film itu yg dipasarin sebagai “film politis”, semuanye dianggep horror & karena itu, semua kekerasan yg ada di dalemnye ngga dianggep terlalu jadi masalah soalnye orang-orang udah tau “film horror” emang punya kecendrungan begitu. Kalo aje A Serbian Film dari awalnye udah disebut sebagai film-eksploitasi, ia bakalan tetep shocking sih, tapi ngga akan sampe se-shocking kaya ia saat ini. 

Buat sesuatu yg bikin sensasi gara-gara kebrutalannye, A Serbian Film secara mengejutkan punya banyak momen-momen menggelitik di dalemnye. Kalo menimbang faktor bagaimana itu bersanding ama sebagian visual yg intens, ini mungkin bisa didefinisiin sebagai apa yg disebut “dead baby comedy” (bentuk lebih hardcore dari black comedy). Biarpun film ini emang ngga punya niat buat ngelucu, tapi kayanye mustahil buat ngga nganggep beberapa adegannye menggelikan, terutama kalo itu udah ngelibatin Vukmir, aksi hiperbolis Sergej Trifunovic sebagai sang sutradara gila bikin die jadi MVP dari semua anggota cast. Gue suka banget kalo die udah, dengan berapi-api, nyampein visi & misi buat menuhin obsesinye untuk bikin film porno yg “artistik”, die keliatan kaya seorang sutradara Itali lagi pitching sebuah ide film giallo baru: dengan penuh semangat  berusaha naro logika pada sesuatu yg pada dasarnye ngga logis. Itu baru namanye “performa” sodara-sodara, mari kite kasih aplus buat orang ini.

Karakter kedua paling menarik jatoh ke tangan Marko, ade kandung Milos yg perannye di sini tuh jadi orang dengan pikiran kotor buat nidurin Marija, yg adalah istri sang kakak. Meski ide gitu ngga bisa dibilang orisinil, tapi kite kudu ngasih poin kepada orang ini dalam hal dedikasi. Die ngabisin malem harinye dengan nontonin video ulang taun ponakan semata-mata soalnye die punya mimpi basah ama ibunye! Tentu momen terbaiknye muncul pas die ngobrol ama Marija di dapur, nampaknye ngeliat sang ipar mengunyah apel bikin napsu libido Marko terbakar sampe die kudu minta ijin ke kamar mandi buat bisa “ngelepasin ketegangan” saat itu juga. God-damn, nyoliin kakak ipar, di atas wastafel kamar mandi doi sendiri! EPIC!!! Peran Katarina Zutic sebagai Lejla, sang porn-queen has-been, muncul demi kepentingan eye-candy penonton. Make busana yg bakal bikin kebanyakan remaja putri digampar nyokap kemanepun doski pergi, & death-scene doi bakal muasin kebutuhan mereka-mereka yg nonton ini buat nyari gorn.

Jadi, A Serbian Film emang bukan tontonan fun. Kaya Requiem for a Dream, film ini keliatan gelap & murung sampe abis, tapi ia juga ngga “semengerikan” kaya yg dibilang sebagian orang. Kalo diliat sebagai satu “film”, maka ini bisa dibilang satu yg sukses ngegarap tema sinema-eksploitasi. 

Dengan sedikit pesen sosial, sedikit pesen moral (dilakuin secara ironis, tentunye), sedikit noir, sedikit tradisi snuff Eropa Timur, ama banyaaaak shock-value. Masalah lo setuju ape kaga ama caranye sih urusan pribadi masing-masing kepala yg nonton, tapi yg pasti, dalem soal nyeritain sebuah kisah, mereka ngelakuinnye pake cara yg layak buat disimak.

Apa ini layak diliat? Kenape ngga? Gue sering liat yg lebih jelek.      

Rating :